真實客戶評語 Testimonials from Brides & Grooms

4⭐⭐⭐⭐ + 0.5⭐  4.5 Stars Rating   

By  Ben Choi   From Bespoke Wedding 精選評論服務 / 婚禮攝影錄影

 

我太太係一個藝術家,所以會比較有要求。咁佢係Facebook 睇到Jason既作品同埋了解過佢既背景之後,覺得佢影出黎既感覺幾符合我地既要求。Big day之前佢會同我地傾當日個流程點run得順啲,以佢既經驗話我地知點樣影得好啲。佢會按我同老婆排既rundown揀影相既景點,我地都好滿意佢既安排😋😋

當日最難忘既係佢地剪個條早拍晚播既片好感動。係婚展見過其他公司既相黎黎去去都係一樣,但係Jason影既相就會比較特別。

 

始終係一生人一次,唔想輯相同其他人咁似。另外值得一讚既就係佢地好貼心,我地係影相方面無經驗,但係佢地就會比好多意見我地,好專業😀😀

 

 

⭐⭐⭐⭐⭐  5 Stars Rating    By  Iu Ka   

From Bespoke Wedding 精選評論服務 / 婚紗攝影

好高興搵到Jason幫我地影婚紗相。其實自己本身不喜歡影出來太做作的照片,而係想影一些自然的風格的照片。

在FB見到Jason的作品之後決定搵佢幫我,影相那一日我完全交俾Jason去安排,那天天氣好熱,我同老公都熱满頭大汗,包括Jason的團隊,但他們都非常尊業,只見他們都沉浸在工作中不停搵光線、設計每一個post,影足全日。

收到相片後我好開心,不浮誇又自然, 人與景融合得非常靚,而這就是我要的作品。

多謝Jason為我同老公留下了美好的回憶,之後影家庭照我會繼續搵Jason操刀, 因為我相信Jason可以影到帶出家庭溫馨的好照片! Janice

4⭐⭐⭐⭐ + 0.5⭐  4.5 Stars Rating   

By  Samantha Kwan   From Bespoke Wedding 精選評論服務 / 婚紗攝影

見到Jason Pang Gallery 嘅page,亦有比較過唔同攝影公司嘅攝影風格同效果。同佢地溝通嘅過程中感覺到攝影師Jason幾有heart❤️ 再加上我哋都係基督徒,想搵返基督教嘅攝影師😌 攝影前我哋食過餐飯傾過計,佢了解左我哋嘅故事之後就睇下有咩靈感同決定點幫我哋影。我自己係畫家,事前比攝影師睇過我嘅畫,然後佢亦有將畫面呈現出黎😍 因為我哋冇乜影相經驗,所以佢畀咗好寶貴、專業嘅意見,話我哋知取景、造型有咩需要注意。不過我哋因為第一次攝影無經驗,到好後期先同攝影團隊溝通發現我地要帶咩衫去攝影、有咩需要注意。如果可以早啲同我哋講就更好,可以早啲準備同更齊備😎

ason份人幾幽默,好帶動到氣氛,令我哋好易融入到,成個氣氛好開心,仲示範畀我哋睇點擺pose😂!過程中攝影師有遷就我哋嘅性格、喜好,決定去咩地方影相,呈現咗唔同嘅風格,有香港夜景、樹林等,影出嚟效果好好👏🏼 當日用嘅器材好高質素、好齊備,亦有從唔同角度影。整個攝影團隊有三個人,影相時都有幫忙拎裙尾,非常細心,同佢哋合作非常愉快!👍🏼👍🏼

Photography Videography by Jason Pang Gallery

 ⭐⭐⭐⭐⭐  5 Stars Rating    By  akumajay7901   

From Bespoke Wedding 精選評論服務 / 婚禮攝影

一開頭我地都係上網去搵婚禮攝影,睇左好多間,好多種style,都覺得唔係好岩,

好多係價錢上都唔係好適合。

上網睇到Jason Pang Gallery,留低左個電話,咁Jason 就同我地聯絡。傾左一輪都覺得幾岩,價錢又合適,所以就決定揀佢地😉 一開始傾就已經覺得Jason嘅團隊好好,感覺佢地都係好紮實,同埋態度都好nice😌 Big day之前,我地開會,Jason都會帶領番我地去諗點樣影、同個flow要點跟,係好有經驗嘅。另外,佢又俾左好多意見同小tips我地,例如到時影相嘅時候基本係記住要露笑容呀,前一日又會提我地要早啲訓,keep好啲個狀態💪🏽

 

到左big day當日,Jason既團隊所有野都真係做得好好,好自動波。佢地一黎到就已經知道要點樣set啲機,邊啲角度會靚呀、要點樣就位咁樣。因為我地係喺自己屋企花園影嘅,佢地都真係度身訂造咁幫我地諗要點樣影,好貼心。同埋Jason都帶領得好好,會指揮我地要點樣擺啲野,啲人要點企,令我煩少一樣野😆結婚當日其實已經有好多野要估,佢地可以自動波嘅時候,我就會輕鬆左!

 

同埋出到黎個效果我地都係好滿意架😍😍真係好似一開頭我有嘅感覺咁,好紮實,有唔同風格,啲角度、光線同埋整個構圖都係好靚!同埋仲有一樣就係佢地係好有交帶,又好願意溝通,不論係big day之前,定係之後揀相,佢地都會好願意俾意見同聽我地意見。當日佢地影完都整左幾張相,可能諗住擺上平台作為宣傳,咁佢地都會好有交帶,俾我地睇下同問埋我地得唔得先再post! 非常好,亦都好有禮貌!👏🏻

 

另外我諗因爲佢地都做左一段時間,所以好似咩人都識,可以介紹到好多service俾我地。例如我地想搵婚禮司儀同花球,佢地都可以介紹俾我地,真係好廣呀佢地network!整體黎講我地都好滿意!

 

⭐⭐⭐⭐⭐  5 Stars Rating    acorn green  

From Bespoke Wedding 精選評論服務 / 婚紗攝影

Jason係我女朋友搵嘅攝影師,我哋係一年前已經預訂咗佢。鍾意Jason係因為睇過佢嘅作品,對比過幾個唔同嘅攝影師覺得佢嘅色最靚,形態、感覺上都冇其他咁死板,反而可以捕捉到新人最自然嘅一刻。👍🏼 本來我係諗住搵佢幫我哋影big day嘅相,但都因為疫情嘅緣故推完又推,改完又改最後就改影Pre Wedding。🤓

Jason一路都好主動同我哋喺WhatsApp上面溝通,佢會喺流程、安排上面比好多意見,例如大約點樣影、去邊度影等等。我女朋友比較鍾意獅子會嘅景,所以第一個指定嘅地點就係獅子會,第二個就係Jason建議嘅醫學博物館。

😂 都唔知係好彩定唔好彩,我哋原定10月13號影,點知撞著嗰日打風⋯⋯💩Jason一直留意天氣,見13號一定影唔到相㗎喇,而咁啱佢12號又有期,就即刻問我地得唔得,於是乎我同女朋友都即刻請假,決定12號影唔好再拖落去。🤭但係嗰時我哋其實都擔心12號會天色唔好,Jason就專登喺程序上作出調整。一般嚟講Jason係11:00先出發去外景,佢就專登幫我哋提早時間7:00就開始化妝然後出去影,啱啱四點影完就掛8號風球喇!😌都算係誤打誤撞,因為好多人都覺得會打風所以條街基本上冇咩人,好似成個場景都俾我哋包晒咁。

Jason佢真係非常helpful,佢連打風嘅安排、流程都幫我通通諗好晒,我基本上係完全唔需要擔心任何野。😁 影相當日除咗Jason之外仲有化妝師、司機、助手等等,但係你哋都知啦打風同埋換衫嘅話冇司機真係搞唔掂,佢哋全team人都好幫得手。😙Jason知道我哋下年一月就big day,應承咗我哋盡量11月會比第一輪嘅相我哋睇吓,等我可以開始預備油畫相冊等等嘅嘢。佢啲相真係靚到我哋忍唔住即刻要post Instagram!🤣

 

⭐⭐⭐⭐⭐  5 Stars Rating    L   

From Bespoke Wedding 精選評論服務 / 婚紗攝影

一開頭搵攝師嘅時候我仲未決定半日定全日,都考慮幾多嘢。接觸過幾個攝影師\公司,我發現普遍攝影公司都係有好幾個攝影師然後隨機指派其中一個比你,變相我就唔知道我睇中嘅sample相係咪幫我嘅攝影師影。但係Jason Pang Gallery嘅話我就可以知道係Jason幫我影,睇過佢嘅作品質素好,係構圖同線條角度方面都係好舒服,而且價錢相宜。

同佢係Zoom傾計除咗介紹作品同講下攝影風格,仲會講佢識點guide住冇鏡頭經驗嘅人。傾rundown又會因應我嘅酒店提出建議,邊個位可以影多啲邊個位影少啲,作出相應調整,佢用佢嘅專業說服到我。

拍攝當日有1p1v,本身以為可能只會focus硬照,但係佢連snapshot都兼顧得好好。Jason同攝錄師Johnny控制流程,做埋大妗姐嗰份guide住我啲兄弟姊妹亦會brief下長輩一陣有咩做。

當中有個小插曲令我覺得Jason嘅應變能力好高,就係溝通上嘅問題我地嘅司機延誤咗一陣先到。而Jason就即刻抓緊時間影相,係唔同角度又利用下啲光線之類,效果真係好好!

 

⭐⭐⭐⭐⭐  5 Stars Rating    jojotang  

From Bespoke Wedding 精選評論服務 / 婚紗攝影

當初係compare過佢同其他公司,發覺佢係價錢同style方面都中我哋需求多啲。同埋啲相係自然,唔會搞到好似好老餅或者好似傳統婚紗相咁。😝而係一開始接觸佢哋嘅過程當中都唔會feel 到有任何pushy位,只係詳細介紹package會包啲咩,所以都好放心。 去到後來用zoom開會,Jason會就住我之前交比佢嘅rundown比下意見同埋會request邊段時間希望我留多啲時間比佢影相。😉

去到婚禮當日,Jason嘅團隊都同我哋相處得好融洽,大家好夾有講有笑。除此之外佢哋真係好盡責,我係一日分開兩場搞,時間真係好趕急,一場接住一場,所以都好抱歉冇比到好多時間佢哋食嘢,但每當我換完衫準備好嘅時候,佢哋已經企係出面standby等我,隨時ready幫我影相!😮

同埋依家諗返起成個婚禮當中最impressive就係兩場婚宴完咗之後,Jason同我哋返咗酒店房影相影到唔捨得走,仲要影出來好似雜誌封面咁型,睇得出佢真係好有熱誠,所以我同老公都好滿意佢~😎Jason仲專登執咗部分相比我哋止下渴添~

最後一個細心嘅位係因為疫情我改期佢哋都冇額外收錢,同我講只要有期就絕對會留比我哋,真係好體諒疫情下搞婚禮嘅新人。😇

 

4⭐⭐⭐⭐ + 0.5⭐  4.5 Stars Rating   By  helialhl   

From Bespoke Wedding 精選評論服務 / 婚紗攝影

有其他新人介紹Jason Pang之後我係婚享會依度都睇過唔少人對佢嘅評價都好正面,而且感覺上佢嘅作品都好符合我嘅要求,同先生商量之後就決定約佢去cafe坐低傾下。☕果陣對佢第一印象已經好好,Jason好有禮貌,態度好誠懇、專業。佢好樂意聽我嘅要求,之後先推介適合嘅服務比我,完全冇hard sell,成個過程都好舒服好smooth。👍🏼一直到big day前因為疫情費事出來開會,所以最後係zoom開咗個會,rehearsal一次同夾下流程(事前比咗rundown Jason),可見佢哋都係跟得貼同盡責嘅。☺️

咁我Big day當日係跟足一般流程,朝早出門、晏晝外影夜晚晚宴,而Jason同Timothy佢哋一早就黎到新娘房做setting趁仲有啲時間幫我影咗啲相之後就再影接新娘嘅相❣️佢哋成條crew(2p1v)都好識活躍氣氛,大家都好開心。我本身諗住去南昌公園影外影,但係一時唔記得係紅日,當日有封路措施所以都幾麻煩。😪我好糾結要繼續去定係返酒店,而Jason依個時候就提議返酒店,話係酒店都可以影到靚相,轉數好快,睇得出好有經驗。而之後亦都好彩我有聽佢嘅意見,最後仲爭取到時間係附近草地影到拋花球嘅相添。😆

咁另外去到晚宴,因為都係要按政府規定10點要散,咁啱賓客都唔少,時間都幾緊迫,但係佢哋嘅time management真係控制得好好,可以係10點準時影完所有嘢仲要係每一個親戚都影到相。😬佢哋好warm嘅位係知道新人都心急睇相,會比預定回相期早好多比住1批我先,等我可以望梅止渴下。🤪 咁有heart嘅團隊,佢哋嘅相自然係冇得頂啦。我開頭仲會怕係房影相冇咩陽光,但係佢哋就調整得好好,運用光線運用得好出神入化,同時捕捉到好多touching moments,而且絕對唔會單一角度,畫面非常多元化,所以我都好鐘意係酒店房影嘅果批相!

 

⭐⭐⭐⭐⭐  5 Stars Rating    By  Ray_tal  

From Bespoke Wedding 精選評論服務 / 婚紗攝影

其實係搵Jason之前我同先生已經搵咗另一間公司影pre wedding,諗住如果效果ok就影埋big day。但係出到來個效果未如理想,同我嘅認知有出入,而咁啱幫我哋搞回禮禮物個店主就大力推介Jason比我影big day。😎我就覺得既然冇得去海外影婚紗,之前嘅相又唔太好睇就決定一次過join埋pre wedding。其實之前間公司唔係真係好差,只係冇對比就冇傷害囉。🙈Jason嘅感覺真係專業好多,好清楚感受到佢對自己甚至係助手都好高要求,目的都只係想影一輯新人同自己都滿意嘅相。🤩Jason每影幾張相都會show一show比我睇,等我哋可以有適當嘅調整,亦都知道依家發生緊咩事,有信心好多。Jason都會指導我哋擺pose,而之前間公司只係不斷叫我哋笑得開心啲。我記得當時係冬天,我已經好凍加上又唔係專業model,好冇方向真係好無奈。😖

 

點解我會話Jason好專業,除左係佢同一個位會影唔同角度嘅相影好多張之外,仲有佢提供嘅器材。之前間公司只係幫我用反光板影,但係Jason係攞咗支大燈同成堆器材,真係高下立見。😬Jason對於光暗、角度嘅捕捉都好好,好多相唔需要P,原汁原味已經靚到可以即刻post上網。💖除此之外,Jason佢哋嘅服務都好貼心,跟得好足。我有時send相問佢邊套婚紗會襯個景多啲,佢都會比好多意見我,跟得好足。又再諗起之前公司話會派一個同事由頭跟進我嘅case,雖然我問佢嘢都會答,但係感覺就好有距離感。🤔我本身對香港嘅地方都唔係好熟悉,唔知有咩地方好影,尤其係港島。我都係叫Jason發板,我睇完個rundown之後覺得地點同時間安排都好滿意就直接ok咗!😆

 

我之前都有同Jason講過因為我影相係專登攞假,第二日要返工,所以最多影到9點幾10點就要返屋企,佢個rundown都好配合我嘅要求,好細心、體貼入微👍🏼無論係影相、器材、態度、服務方面,Jason佢哋都係好好,好為客人著想。

 

 ⭐⭐⭐⭐⭐  5 Stars Rating    By  wingpang910   

From Bespoke Wedding 精選評論服務 / 婚紗攝影

其實係搵Jason之前我同先生已經搵咗另一間公司影pre wedding,諗住如果效果ok就影埋big day。但係出到來個效果未如理想,同我嘅認知有出入,而咁啱幫我哋搞回禮禮物個店主就大力推介Jason比我影big day。😎我就覺得既然冇得去海外影婚紗,之前嘅相又唔太好睇就決定一次過join埋pre wedding。其實之前間公司唔係真係好差,只係冇對比就冇傷害囉。🙈Jason嘅感覺真係專業好多,好清楚感受到佢對自己甚至係助手都好高要求,目的都只係想影一輯新人同自己都滿意嘅相。🤩Jason每影幾張相都會show一show比我睇,等我哋可以有適當嘅調整,亦都知道依家發生緊咩事,有信心好多。Jason都會指導我哋擺pose,而之前間公司只係不斷叫我哋笑得開心啲。我記得當時係冬天,我已經好凍加上又唔係專業model,好冇方向真係好無奈。😖

 

點解我會話Jason好專業,除左係佢同一個位會影唔同角度嘅相影好多張之外,仲有佢提供嘅器材。之前間公司只係幫我用反光板影,但係Jason係攞咗支大燈同成堆器材,真係高下立見。😬Jason對於光暗、角度嘅捕捉都好好,好多相唔需要P,原汁原味已經靚到可以即刻post上網。💖除此之外,Jason佢哋嘅服務都好貼心,跟得好足。我有時send相問佢邊套婚紗會襯個景多啲,佢都會比好多意見我,跟得好足。又再諗起之前公司話會派一個同事由頭跟進我嘅case,雖然我問佢嘢都會答,但係感覺就好有距離感。🤔我本身對香港嘅地方都唔係好熟悉,唔知有咩地方好影,尤其係港島。我都係叫Jason發板,我睇完個rundown之後覺得地點同時間安排都好滿意就直接ok咗!😆

 

我之前都有同Jason講過因為我影相係專登攞假,第二日要返工,所以最多影到9點幾10點就要返屋企,佢個rundown都好配合我嘅要求,好細心、體貼入微👍🏼無論係影相、器材、態度、服務方面,Jason佢哋都係好好,好為客人著想。

 

A lot of Testimonials from Real Brides & Grooms :)

Remember to contact us asap to understand if we are available for you date?

馬上找我們,了解在你的拍攝日期我們有沒有檔期?


想知道我們的套餐 和價目表?

如果您需要快速幫助,最快的方法是通過 Facebook Messenger 或 whatsapp 聯繫我們以查看我們的可用性! 

不要等太久才知道我們已經在您的重要日期預訂了!  


 

Facebook_Messenger-512.png
  • whatsapp